Disgrifiad

Mae rhwymo yn enw arall ar wneud llyfrau. Mae’n broses ble mae deunydd printiedig yn cael ei roi at ei gilydd fel bod y tudalennau yn y drefn gywir ac wedyn yn cael eu gosod tu mewn i glawr.

Prosesau

Yn gyntaf oll, caiff y deunydd printiedig ei blygu mewn ffolder. Pwytho yw’r enw ar y broses styffylu. Mae’r peiriant pwytho yn cymryd y taflenni mawr (signatures) ac yn eu casglu at ei gilydd. Wedyn cânt eu rhoi at ei gilydd gyda styffylau neu lud. Rŵan, mae’r llyfr yn cael ei docio i’w faint. Gall peiriant pwytho mawr brosesu 9000 o lyfrau’r awr. Dyma rai dulliau rhwymo cyffredin:

PWYTHO WEIAR– styffylu, defnyddir ar gyfer llyfrynnau a chylchgronau.

RHWYMO PERFFAITH- torrir y plyg gwter yna mae’r tudalennau a’r clawr yn cael eu gludo at ei gilydd, defnyddir ar gyfer llyfrau clawr papur.

RHWYMIAD SLOT– fel perffaith ond mae glud yn cael ei orfodi i mewn i slotiau yn y plyg gwter. Cryfach na pherffaith ond rhatach na gwnïo.

RHWYMIAD WEDI’I BWYTHO– Casgliad o dudalennau yn cael eu gwnïo at ei gilydd wedyn caiff y clawr ei ludo arnynt. Defnyddir ar gyfer llyfrau clawr papur safonol a rhwymiadau llipa.

RHWYMIAD WEIAR SBIRAL- tudalennau yn cael eu tyllu a weiar sbiral yn cael ei gosod gan ddefnyddio peiriant arbennig. Defnyddir ar gyfer adroddiadau a llyfrau cyfarwyddiadau ar rediad byr.

Manteision Dal llawer o daflenni at ei gilydder. Proses gyflym – gall peiriant mawr bwytho 9000 o lyfrau’r awr

Anfanteision Proses ddrud Rhaid i’r inc fod yn sych cyn rhwymo